Si Martin Nievera, ang MMDA, at si Teodoro Casino

Hinuli ako ng pulis sa may Commerce Avenue, Alabang for disregarding traffic signs. No right turn on red signal. Ang sabi nya, "Kaibigan, bawal kumanan 'pag pula, mababangga mo ang mga tumatawid". I did not argue with him kahit na ni anino ng aso e wala naman akong nakitang tumawid. Ala una ng hapon 'yun at knowing the Ayala Alabang area for so many years, wala talagang tumatawid dun sa intersection ng Madrigal at Commerce Avenues. Tatlo kaming kumanan, the one with CRV seemed in a jolly mood talked it out with one of the police. My car has this Ayala Alabang Village sticker but I did not point it out with the police officer. When he saw it, he said without me asking, "Tagaloob ka pala, ba't di mo sinabi kaagad, natiketan na kita". Ganun pala 'yun, 'pag tagaloob ka walang violation. Kagaya nung driver na may dalang CRV.

Ang mga MMDA naman, basta bus lane bawal dumaan ang private cars. Kahit na parang sardinas na kayo dun sa private lanes at wala namang bus dun sa loob, kapag na-stepping ka, huli! Bawal daw kasi. Basta bawal! Akala ko, ang mga batas e ginagawa para sa kaayusan. Di naman tayo kagaya ni Javert sa Les Miserables na kahit anong mangyari, basta bawal, kailangang mong managot sa batas.

Eto namang si Teodoro Casino, nakita ko sa TV. Kailangan daw imbestigahan ng Kongreso si Martin Nievera dahil mali daw sa itinakdang tono yung inawit nyang Lupang Hinirang. Sabi nya, "may nalabag na batas dito". Kung hindi lang talagang nagpapapogi itong lekat na ito. Ang opurtunista talaga, makita lang sa TV para maiingat ang awareness ng tao na buhay ka pa (baka tatakbo sa Senado), kahit issueng kaning-baboy papatulan. Walang pinag-iba ito sa mga pulis na gustong imbestigahan si Erap at si Binay dahil nagdisplay daw ng toy gun. Kung ganito ng ganito ang mga nasa gobyerno, abay talagang mauubos ang pasensya ng mga may talino at mangingibang bansa na lang.

Ang tunay na pagmamahal sa bayan ay hindi mo maririnig sa mga nota ng Lupang Hinirang, o sa mga pagpustura na masunurin ka sa batas. Nagsisimula yan sa sarili, sa pagiging matuwid, at sa pagyakap sa mga pagbabagong makapagpapaunlad at yayabong sa pangkalahatang interes.